Oru Swapnam pole | ഒരു സ്വപ്നം പോലെ

വന്മരങ്ങൾ ചുറ്റിനും തഴച്ചുവളർന്നു നിൽക്കുമ്പോഴും അവയെ തോൽപ്പിച്ചു കൊണ്ട് തലയുയർത്തി നിൽക്കുന്ന ചെറുചെടികളാണ് ഈ കഥകളിലെ കഥാ പാത്രങ്ങൾ. ഒരു കൊടുങ്കാറ്റിനും അവരെ പിഴുതെറിയാൻ കഴിയുകയില്ല. അവർ അത്രയധികം മണ്ണിനോട് ആത്മബന്ധം പുലർത്തുന്നു. താൽക്കാലികമായി ഒന്നു ചാഞ്ഞുപോയാലും സ്വയം നിവർന്നുനിൽക്കാൻ അവർക്കു കഴിയുന്നു. അത്തര ത്തിൽ വ്യക്തിത്വമുള്ള കഥാപാത്രങ്ങളാണ് ഈ കഥകളിൽ അവതരിപ്പിക്കപ്പെട്ടിട്ടുള്ളത്. മറ്റുള്ളവരുടെ കാഴ്ചയെ അന്ധമാക്കുകയോ മങ്ങലേൽപ്പിക്കുകയോ ചെയ്യുന്ന വെള്ളിവെളിച്ചങ്ങളല്ല, കാൽക്കീഴിലെ ഇരുളകറ്റുന്ന ചെറുപ്രഭാകിരണങ്ങളാണ് എപ്പോഴും പ്രത്യാശ നൽകുന്നത്. സുജാതയുടെ ഓരോ കഥകളും ഇത്തരത്തിൽ പ്രത്യാശ പ്രസരിക്കുന്ന തിരിനാളങ്ങളാകുന്നു. ജീവിതത്തിന്റെ സന്ദിഗ്ദ്ധതകൾക്ക് അവ പ്രത്യൗഷധമാകുന്നു എന്ന് പറയാം.