Manalkkaattil Adaratha Manjupookkal മണൽകാറ്റിൽ അടരാത്ത മഞ്ഞുപൂക്കൾ

സ്ത്രീയനുഭവകേന്ദ്രിതമായി എഴുതപ്പെട്ടതെങ്കിലും മലയാളകഥയുടെ ചരിത്രത്തിൽ രമാദേവിയുടെ കഥകളെ ഏതെങ്കിലും ഇസത്തിന്റെ ചേരുവകൾകൊണ്ടു വിവരിക്കേണ്ടതുണ്ടെന്നു തോന്നുന്നില്ല. മുൻവിധികളില്ലാതെ വായനക്കാർക്കു പ്രവേശിക്കാവുന്ന തുറന്ന ഇടങ്ങളാണ് ഈ കഥകൾ. അത് ഓരോ ആളിനോടും സംവദിക്കുന്നത് ഓരോ തരത്തിലാകാം. ജീവിതത്തിന്റെ കയ്പ്പും മധുരവും ചവർപ്പും പുളിപ്പും എരിവും ഈ കഥകളിലുണ്ട്. ഈ രസങ്ങളിലൊന്നുമാത്രം നിറഞ്ഞതല്ല ജീവിതമെന്നും പല രസങ്ങളും പല അനുപാതത്തിൽ ഓരോ ഘട്ടത്തിലുമുണ്ടാകാമെന്നും അതി ലൊന്നിനെ മാത്രം മുൻനിർത്തി ജീവിത വ്യാഖ്യാനം നടത്തരുതെന്നും ഈ കഥകൾ നമ്മെ ഓർമ്മിപ്പിക്കുന്നു.<strong> അവതാരികയിൽ എം.എൻ. രാജൻ</strong>